دش ساقع

دش ساقع

التصنيف : أدب

دار النشر : دار نهضة مصر

‎بسمة السباعي‎

الكتاب ده لكل طنط شافتك وقالتلك "اتجدعني بقى وهاتيلنا عريس حلو" .. ولنوعية طنط اللي لما شافت عروسة تاني يوم فرحها قالتلها "شدي حيلك كده ها مفيش حاجة جاية في السكة! طب ما تكشفي يا بنتي!" الكتاب ده لمجتمع بيشوف المطلقة لابسة الحتة الستان وواقفة على السلم تخطف جوز جارتها.. الكتاب ده لمجتمع بيشوف إن المتغرب شوال دولارات وبرنس الملايين وكينج العملة الصعبة. الكتاب ده لهواة التصنيفات... دي مُحجبة ودي فاسخة مرتين ودي بتشيش ودي لابسة مايوه.. وكل التصنيفات اللي ما فيهاش توصيف شخصيتها وبيقول "مين هي .." الكتاب ده للي شايف إن مشكلة كبيرة زي الخيانة ممكن تتحل بجملة "سافرولكوا يومين واهتمي بنفسك شوية ما انتي برضو بعد الولادة تخنتي أوي والراجل ضعيف! .. " الكتاب ده للي اتجوزت عشان ترضي الناس.. وللي مخلفة بنات وبتموت على خلفة ولد عشان ترضي جوزها.. الكتاب ده للي بتشوف الراجل حساب في البنك وبس، وللي بيشوف الست لانجيري بدانتيل وبس، وللي بيقبل الخيانة والإهانة لمجرد إن الفاعل "هو . " الكتاب للي بيقول إن البلد متخلفة ومفيش منها رجا .... ولطنط اللي بتقول على المدارس الإنترناشيونال "منظرة " ...وللي بيأسفنونا وبيطلعوا عينا "زنبقة " في الشغل ... وللي مبيضحكش غير لما مديره هو اللي يقول الإفيه... وللي بيقول إن الشغالة هي اللي سرقت وللي بيسب في فساد البلد عالفيسبوك وبينزل يرشي أمين الشرطة عشان مياخدوش مخالفة إنه ماشي عكسي.. الكتاب ده للي مش فاهم إن النجاح هو إنك تنجح في إنسانيتك قبل ما تنجح في منصبك. الكتاب ده مراية لينا كلنا.. بصوا فيه وشوفوا صورتنا.. أيوة صورتنا بس بأبعاد ومقاسات واقعية جدًّا جدًّا.